Не мина ниту една седмица од крунисувањето на Нико Розберг во нов шампион во Формула 1, а Германецот ги шокираше сите фанови на овој спорт – објавувајќи крај на кариерата. Тој денеска преку соопштение до јавноста ги изненади сите со одлуката повеќе да не биде дел од „летечкиот циркус“.
– Минав 25 години тркајќи се и отсекогаш имав пред себе една цел – да станам шампион во Формула 1. Низ целата напорна работа, болката и жртвувањата, тоа беше мојата единствена цел. Сега кога успеав, кога се искачив на таа „планина“, сметам дека е вистински момент да се каже збогум на овој спорт. Во овој момент сакам од сѐ срце да им се заблагодарам на сите они кои низ годината ми даваа поддршка за овој мој сон да стане јавност. Единствено жалам што со оваа одлука го ставив моето „возачко семејство“ во тешка ситуација. Сепак, Тото Волф ме разбра, веднаш увиде дека сум целосно решен и ми даде поддршка при одлуката. Најгорд момент во кариерата ќе ми остане можнот да го кренам шампионскиот пехар со фантастичниот тим на луѓе од Мерцедес. Сега, само ќе уживам во секој момент. Има1 време за анализи и за навраќање во периодот што ќе следи, а потоа ќе видиме што ќе ми донесе животот во иднина – порача Нико Розберг.
Заминувањето на Розберг речиси сигурно ќе значи останување во Мерцедес на вицешампионот Луис Хамилтон, а интересно ќе биде да се види кој возач ќе биде избран од страна на актуелниот шампион во конструктори како наследник на Германецот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
