Во касарната „Боро Менков“ во Куманово денеска ќе биде одржано примопредавање на должноста командант на Здружената оперативна команда (ЗОК).
Со указ на врховниот командант на вооружените сили и претседател на Република Македонија Ѓорге Иванов, досегашниот командант на 1.мпбр бригаден генерал Зоран Милески е поставен за командант на ЗОК, додека генерал-мајор Васко Ѓурчиноски е назначен за висок воен претставник на Република Македонија во седиштето на НАТО во Брисел.
На свеченоста ќе присуствуваат заменик началникот на ГШ на АРМ генерал-мајор Мухамет Рацај, генерали во АРМ, претставници од Министерството за одбрана и Генералштабот на АРМ, команданти на потчинетите команди и единици на АРМ и други гости.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
