Жена загина, двајца повредени- тешка сообраќајка во Штип

Жена на возраст од 65 годинин загина во тешка сообраќајна несреќа која попладнево се случи во близина на штипското село Чардаклија, на крстосницата кај царинската испостава во Штип.

Портпаролот на СВР Штип Гордана Панајотова соопшти дека починатата била сопатник во возило „опел тигра“ кое се судрило со џип „грaн чироки“.

Итната медицинска помош од Штип и дала помош на 65-годишната жена на местото на несреќата, но во болница таа подлегнала на повредите.

На повреди се пожалиле и возачот и еден сопатник во џипот кои, исто така, се хоспитализирани во штипската клиничка болница.

Несреќата е случила во 16:40 часот. Во тек е увид од страна на истражните органи и јавен обвинител, кои ја утврдуваат причината за несреќата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.