Може ли да ја замислите популарната ТВ-серија „Пријатели“ без некој од членовите на екипата?
Секој обожавател, сигурно, има свој омилен лик, а еден од најпопуларните е Рејчел Грин, која пред 22 години се всели во срцата на гледачите во светот. Денес, сигурно, не може да замислите некој друг во таа улога, освен Џенифер Анистон.
Но, првичниот план бил Кортни Кокс да ја глуми Рејчел. Продуцентите сметале дека нејзе најмногу ќе ѝ одговара ликот на Рејчел, но таа побарала нова аудиција за улогата на Моника бидејќи сметала дека се работи за посилна женска улога.
Улогата на Рејчел на крај ѝ била доделена на Теа Леони, но таа се откажала поради друга серија. Продуцентите на аудиција повикале друга актерка, која дошла на аудиција за улогата на Моника.
Тоа била Џенифер Анистон, а сѐ друго е историја.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
