Пишев: Ова се најважните избори во независна Македонија

Митинг на ВМРО-ДПМНЕ во населено место Дабиле – Општина Струмица, на кој се обрати лидерот и носител на изборна единица 4 Никола Груевски придружуван од кандидатите за пратеници Ванковер Манчев и Васил Пишев.

– Ова се најважните избори во независна Македонија. Изборот овој пат треба да биде прецизен бидејќи од една страна имате познат, докажан аболициран криминалец, рекетар во лицето на Зоран Заев и од друга страна го имате докажаниот збор на Никола Груевски. За мене дилема нема, не сакам воопшто да правам споредба помеѓу Груевски и Заев, таа споредба едноставно ја нема – изјави Васил Пишев на митингот во Струмица.

На полето за културни случувања, Пишев и Манчев дадоа пофални зборови за работата на актуелната министерка за култура Елизабета Канчевска-Милевска.

– Доволно е да го спомнам Ристо Шишков, Гоце Арнаудов, тука е и почитуваниот Зоран Џорлев, а вака како што тргнало најверојатно веќе е влезена во историјата и мојата почитувана Бети Канчевска која цела своја душа и срце ја остави во културата. Културата доби друга димензија со оваа министерка, и историјата во Македонија ќе памети култура пред Бети, како и култура после Бети – изјави Васил Пишев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.