Македонија зад Белизе и Танзанија на најновата ранг-листа на ФИФА

Како и што се очекуваше по поразот од Шпанија од 4-0 на квалификацискиот натпревар за пласман на СП 2018, македонската фудбалска репрезентација назадуваше за седум места на најновата ФИФА ранг-листа објавена денеска.

Во согласност со најновото рангирање, Македонија од денеска е на 162. место со 138 бода, минус за седум позиции во однос на октомврискиот ранкинг. Македонија на најновата листа дојде и една позиција зад Белизе која е на 161. место, или Танзанија, на пример, која е на 160. место на листата на ФИФА.

Од селекциите кои се во нашата квалификациска група за пласман на СП, единствено послаборангиран од нас е Лихтештајн, кој е на 189. место. Шпанија е на 10. место, Италија назадуваше за три позиции, па сега е на 16. место, Албанија е на 49. место, а Израел е на 54-та позиција.

На врвот на листата е Аргентина пред Бразил, Германија, Чиле, Белгија, Колумбија, Франција, Португалија и Уругвај.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.