Вчера на свечена церемонија во Истанбул беше извршена ждрепката по која беа добиени четири групи во кои ќе се игра кошарка од 31 август догодина на Европското првенство.
Како што е однапред познато и ова Европско првенство во 2017 година како и претходното ќе се игра во четири држави.
Бранителот на трофејот Шпанија ќе игра во Романија, односно е во групата Ц заедно со Хрватска, Чешка, Црна Гора, домаќинот и Унгарија.
Во Истанбул пак силите ќе ги одмерат Турција, Летонија, Белгија, Србија, Русија и Велика Британија. Селекцијата на Израел во Тел Авив ќе ги пречека Украина, Литванија, Грузија, Германија и Италија, додека пак во Хелсинки ќе разигруваат Финска, Исланд, Словенија, Франција, Грција и Полска.
Групната фаза завршува на 7 септември, понатаму одат најдобрите четири селекции во секоја група и тоа во Истанбул каде ќе се игра завршницата. Финалето е закажано за 17 септември со арената „Санан Ердем“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
