Можеби го немаше долго време, но еден од најдобрите вокали на нашата естрада Димитар Андоновски повторно се враќа онаму каде што припаѓа. Од пред неколку дена битолчанецот Димитар е новото засилување на групата „Тајфата“, во која до пред некое време член беше и виолинистот Коки Јанков. Поточно Андоновски е новиот вокал на бендот кој полека, но сигурно се препознава по неговата оргиналност и впечатливост.
– Пред сѐ прифатив бидејќи момците од „Тајфата“ се вистински професионални кои си ја знаат работата и сите се со долгогодишно музичко искуство. Токму поради тоа сметам дека сите заедно сме една добра комбинација која ветува многу. Веќе почнуваме и со работа на студиски материјал кој наскоро ќе биде промовиран пред јавноста – вели Андоновски.
И останатите членови од бендот не го кријат задоволството што добија исклучителен вокал.
– Сигурни сме дека публиката ќе биде задоволна од она што планираме да го презентираме допрва – накратко ни изјавија момците од бендот.
Инаку, Димитар и „Тајфата“ веќе имаат закажано повеќе настапи низ земјава, а во скоро време ќе го слушнеме и нивното прво музичко остварување.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
