Новоизбраниот претседател на САД Доналд Трамп ги објави денеска неговите избраници за министер за правда, советник за национална безбедност и директор на ЦИА, кои ги претставуваат клучните позиции во новата администрација.
Ултраконзервативниот сенатор Џеф Сешанс е изборот на Трамп за министер за правда, генералот од резервниот состав Мајкл Флин – советник за национална безбедност и членот на државниот Конгрес на Канзас – Мајкл Пампео – за директор на Централната разузнавачка агенција (ЦИА), се наведува во соопштението на тимот на новоизбраниот претседател на САД.
Трамп истакна оти се радува што Флин ќе стои покрај него во борбата за „победување на радикалниот исламистички тероризам“, и изрази увереност дека Пампео ќе биде „брилијантен и бескомпромисен лидер„ како директор на ЦИА.
Тој исто така, го оквалификува Сешанс како „правен ум од светска класа, кој ужива голем углед меѓу академските правници“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
