Србија: Ако Игор и Иван се пријатели со вашите деца на Фејсбук, веднаш викнете полиција

Полицијата во Србија во голема акција откри монструм кој лажно се претставил на социјалните мрежи дека е малолетник, за да се допишува со деца. Се работи за 40-годишниот Ш.Р. од Чуприја, кој под името Иван Петровиќ со лажна фотографија на профилот, се обидувал да намами дечиња.

Тој барал другари за лов и риболов, а потоа ги приморувал на секс.

Кога некој ќе го прифател на лажниот профил, монструмот веднаш праќал покана за пријател од вистинскиот профил и се претставувал како другар на Иван. Потоа им велел дека некогаш и сами ќе одат на риболов без Иван и ќе игаат игри.

Предлагал децата да дојдат во неговата куќа, па потоа ги носел во викендицата. Потоа им барал да ги сликаат половите органи.

Тој имал и втор лажен профил каде е потпишан како Игор Ристиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.