Во текот на вчерашниот ден фолк-пејачот Јордан Митев ги снимаше кадрите за неговата нова балада „Само тебе јас те сакам“, песна во која фолкерот верува многу и смета дека и покрај моментната состојба на музички план ќе го најде своето место меѓу публиката.
И овој пат, тој е сам свој мајстор, па освен што е потпишан како комплетен автор на баладата, тој е и режисер на видеото.
– Со видеото ја опишувам самата приказна во песната. Во него се појавуваат уште двајца статисти, со чијашто помош раскажуваме една љубовна приказна исполнета со турбуленции, која, сепак, завршува со среќен крај – вели Митев.
Пејачот заедно со својот тим кадрите ги снимаше на неколку интересни локации во Скопје.
– Приказната е љубовна, кадрите ги снимавме на неколку атрактивни локации, па искрено верувам дека крајниот производ ќе ѝ се допадне на публиката. Мислам дека толку моќна балада не заслужи ништо помалку од тоа што ќе го видите наскоро – додава Митев.
Промоцијата на видеото се очекува наскоро, а доколку сѐ оди според планираното, оваа 2016 година ќе биде заокружена со уште еден видеозапис, и тоа за „Кажи ‘да’ моја најмила“.
Веднаш потоа Митев влегува во студио и почнува со работа на новиот студиски материјал, кој на пазарот ќе се појави во текот на следната, 2017 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
