Голем дел од жените го искусиле следново сценарио: Неколку љубовни состаноци со згоден и културен дечко, редовно разменување слатки пораки, неверојатен секс и потоа тишина. Како што деновите поминуваат, така тој има сè помалку време за пораки и средби, додека во еден момент едноставно целосно исчезнува од вашиот живот. Што се случува кај мажите што поттикнува толку неочекувано спротивставено однесување?
1. Постои друга девојка во неговиот живот
Иако сме сигурни дека не сакате да верувате во тоа, сепак постојат големи шанси дека тој веќе има некоја личност во неговиот живот која ја гледа како подобар избор за него. Без разлика дали ја запознал пред или по вас, тој сигурно се двоумел пред конечно да донесе одлука. Со неговото исчезнување покажува дека ја одбрал неа.
2. Страв од обврзување
Некои луѓе го покажуваат својот страв од сериозни врски така што како малите пчели скокаат од цвет на цвет. Ако во кој било момент почувствуваат дека обичното дружење може да се претвори во нешто повеќе, тие едноставно бегаат наместо да се обидат да ви објаснат. Со други зборови, ова однесување и за него не е лесно, но во неговите очи е подобар избор од обврзувањето.
3. Сè уште има контакт со поранешната девојка
Ова е само уште една тажна вистина, која можеби и самите би можеле да ја забележите. Особено доколку тој постојано комуницира со неа, разговара за нивното заедничко минато со вас или случајно ве нарекува со нејзиното име. Доколку не сакате да губите време, најдобро е да сфатите на што сте и ако не ви се допаѓа каде води вашата врска да продолжите понатаму.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
