Изборот на Доналд Трамп за претседател на САД ја зголемува несигурноста во светот, се наведува во извештај на меѓународната рејтинг агенција „Фич“.
Победата на претседателските избори во САД во ноември на републиканецот Доналд Трамп и нејаснотиите околу понатамошната политика на САД, автоматски предизвикува различен степен на несигурност за многу земји, се наведува во соопштението на „Фич“.
Промените во политиката на САД можат да имаат различен степен на глобални последици, ако се земе предвид улогата на земјата со најголемата светска економија и нејзината исклучителна дипломатска и воена моќ, објаснуваат аналитичарите.
Поконкретно, плановите на Трамп за ревизија на Северноамериканскиот договор за слободна трговија (НАФТА) ќе има директни последици за Канада и Мексико.
Според „Фич“, вртењето на САД кон трговскиот протекционизам за возврат ќе има значајно влијание врз економиката на Кина и другите азиски земји.
Според мислењето на експертите од „Фич“, изјавите кои Трамп ги даде во предизборната кампања во врска со надворешната политика не се конкретни.
Агенцијата исто така претпоставува дека евентуалното намалување на воениот потенцијал на САД може да доведе до зголемување на воените расходи во Европа, Азија и Блискиот исток
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
