Двајца искусни гинеколози, еден на воздраст од 58 години, а другиот десет години помлад, додека биле на смена во болницата се степале во работно време. Како последица на тепањето, еден од нив завршил со скршеница на носот на одделението за уво, грло и нос, каде коската му била наместена, а носот му бил тампониран заради големо крварење, велат од Општата болница во Чуприја, Србија, пренесе Танјуг. Другиот доктор по прегледот бил пуштен дома со хематоми на вратот.
Колегите од болницата не сакаат да коментираат јавно, но приватно велат дека ова е голема срамота и дека инцидентот ќе влијае врз угледот на установата.
Тепачката се случила во саботата во лекарските кабинети по извршената визита. Полицијата во Јагодина не се огласиле по инцидентот, додека од болницата велат дека случајот е пријавен во Министерството за здравство .
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
