Ова е вистинската причина зошто Ѓулсерен ќе биде убиена

Деновиве во регионалните и домашните медиуми кружи веста дека постои војна меѓу Еркан Петекаја и Нургул Јесличај односно Џихан и Ѓулсерен од серијата „Парампарче“.

Бидејќи ликот на Ѓулсерен ќе биде убиен во 52-та епизода, се појавија шпекулации дека причината е несогласувањето меѓу двајцата популарни актери. Наводно Еркан бил насилен и груб кон Нургул и постојано сексистички насторен, па затоа тешко ги снимале заедничките сцени.

Но, во турските медиуми веќе се појави и демант од Еркан, кој вели дека бил непријатно изненаден од таквите пишувања, а со Нургул се блиски пријатели.

-Сценариото во серијата драстично ќе се промени. Ликот на главната протагонистка ќе го нема, и да, тоа се случува. Ќе следуваат многу интересни и возбудливи епизоди. Не постои ништо од она што се пишува во медиумите, освен дека Нургул има други планови, изјавува Еркан.

Што се однесува на убавата актерка Јесличај, барем според она што го објавува на социјалните мрежи, таа навистина веќе снима на нова серија каде има улога на султанка.

Но, меѓу многуте фотографии на нејзиниот приватен профил има и такви со колегата Еркан каде изгледаат навистина блиски, а наедно истите се уште стојат на нејзиниот профил, како и едно постаро видео од снимањата каде се гледа дека работата знаеле да ја зачинат и со забава.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.