Европската комисија денеска соопшти дека еврокомесарот за буџет и човечки ресурси и потпретседател на институцијата, Кристалина Георгиева поднела оставка на функцијата.
Како што јави БТА, оставката на Бугарката Георгиева ќе стапи во сила најдоцна до полноќ на 31 декември 2016 година, во зависност од развојот на преговорите за новиот буџет на ЕУ.
Во соопштението се наведува дека од 2 јануари 2017 година Георгиева „се враќа во Светската банка“.
Претседателот на Европската комисија, Жан-Клод Јункер изјави дека го замолил еврокомесарот Гинтер Ојтингер да ги преземе надлежностите на Георгиева.
Јункер најави и дека е подготвен на разговори со бугарскиот премиер Бојко Борисов за можниот нов кандидат за бугарски еврокомесар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
