Владата на Велика Британија одлучила да испрати уште 800 свои војници во Естонија, на границата со Русија, пишува лондонски „Тајмс“, повикувајќи се на извори во Министерството за одбрана во Лондон. Воените сили меѓу кои има и околопни единци, ќе бидат распоредени во овој дел од Источна Европа, во настојувањето, како што е речено, да се „одврати руската агресија кон Западот„.
Британските војници кои ќе бидат дел од единиците на НАТО во Балтикот и на граничниот реон кон Русија, ќе бидат префрлани во следните шест месеци, до мај идната година и ќе им се приклучат на сојзничките сили кои вече се наоѓаат во тој регион. Проториевскиот „Дејли Телеграф“ открива дека авионите на британското кралско воено воздухопловство (РАФ) веке се „на готовс“ откако како што се тврди, дошло до зголемување на тензиите со Русија.
Медиумите во Лондон веќе пишуваат дека Европа влегува во „нова Студена војна„ и ги повикуваат западните сојузници на единство во одговорот на „заканата од агрсивната политика“ на Москва и на претседателот Владимир Путин. На единство, претходно, повика и британскиот министер за одбрана Мајкл Фалон, откако остро ја прекори Шпанија да не дозволи руските воени бродви, на пат за Сирија, да застанат во шпанската енклава Сеута, за да наполнат гориво.
Официјален Лондон кој ја предводи „тврдата линија“ кон Русија во НАТО се почесто повикува на единствен фронт, откако Британците одлучија да се повлечат од ЕУ.
Сегашната криза со Русија, која настана по анексијата на Крим и реакцијата на Запад да донесе свои сили на руската граница, медиумите во Лондон ја користат за да го прикажат НАТО како единствениот гарант на обединета Европа од надворешна (руска ) агресија. Британија е остар противник на идејата за создавање на европски сили и воен сојуз на ЕУ, стравувајќи дека ќе остане изолирана, затоа што се повлекува од Унијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
