Сириски тинејџер барал локации за терористички напад во Берлин

Германското федерално јавно обвиннителство денеска објави дека 19-годишниот сириски мигрант Шаас ал М. кој минатата недела беше уапсен за учество во странска терористичка организација и прекршување на законнот за контрола на оружјето низ Берлин барал локации на кои што „Исламската држава“ би можела да спроведе терористички напади.

Според обвинението против него сирискиот мигрант се товари и за регрутација на најмалку еден германски граѓанин за учество во конфликтот во Сирија.

Шаас ал М. сам се пријавил да биде посредник за членови на ИД кои што би извршиле терористички напади во Германија а освен логистичка поддржка понудил директно да учествува во нападите.

Шаас ал М. станал член на ИД во 2013 година уште додека живеел во Сирија по што минал воен тренинг и извршувал стражарски задачи пред да дојде во Германија минатата година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.