МЗТ Скопје потпишува со уште еден македонски репрезентативец

МЗТ Скопје конечно ќе доведе уште еден македонски репрезентативец во своите редови, откако актуелниот шампион ги договори условите за соработка со Стојан Ѓуроски. Тој вечерва го следеше дуелот со Цедевита зад еден од кошевите, во друштво на Клоф, а се очекува веќе во текот на утрешниот ден и официјално да го стави својот потпис на договорот со „металците“.

Раководството на МЗТ го бараше Ѓуроски и во текот на летово, но не успеа да постигне договор за соработка со крилниот кошаркар. Сепак, тој во меѓувреме не најде нов клуб, МЗТ Скопје се соочи со криза по повредите на Симоновски, Клоф и на Дреновац, па двете страни повторно седнаа на преговарачка маса и ги договорија условите за соработка.

Стојан Ѓуроски своето деби за македонскиот првак ќе го има претстојниот викенд, на гостувањето против Мега лекс во рамките од седмото коло во АБА-лигата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.