Новата сезона во Евролигата со нов формат, на стартот Реал поуспешен од Олимпијакос

На отворањето на новата сезона од Евролигата, која од оваа година е со нов формат, Реал Мадрид беа поуспешни од Олимпијакос, совладувајќи го грчкиот тим со 83-65. Шпанскиот тим ја доби првата четвртина со 24-17, но Олимпијакос возврати во вториот период и на одмор замина само со два поени негатива (42-40).

Клучен беше третиот период, во кој Олимпијакос прејде и во водство (49-51), но потоа следеше серија на Реал Мадрид за заокружување на оваа четвртина со водство од 62-53. До крајот, мадриѓаните знаеја да го контролираат резултатот и да слават и поубедливо.

Од оваа година во Евролигата ќе учествуваат 16 екипи во една единствена лига во која ќе се игра двокружен систем, а најдобрите осум екупи ќе се пласираат во плејофот.

Серхио Љуљ со 23 постигнати поени го водеше Реал Мадрид до триумф, а го следеа одлично и Лука Дончич со 11 поени и Џејси Керол, кој беше стрелец на десет поени.

Мат Лоџески со 14 коша беше најефикасен кај Олимпијакос, а Васили Спанулис постигна два поени помалку.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.