Вчера во 20.15 часот во ПС Тетово, М.С. (37) од Тетово пријавил дека истиот ден околу 18.20 часот во Тетово на ул.„Илинденска“, додека управувал со својот автомобил „пежо“, одзади бил удрен од товарно моторно возило „ивеко“ со тетовски регистарски ознаки.
Веднаш по ударот од камионот излегло непознато лице кое со глава го удрило во пределот на лицето, велејќи му дека нагло закочил и предизвикал сообраќајна незгода. Од камионот излегле уште две непознати лица кои го качиле сторителот во возилото и се оддалечиле од местото на настанот.
После тоа М.С. се упатил во Клинички центар Тетово каде му била укажана лекарска помош и му била констатирана тешка телесна повреда. Се преземаат мерки за пронаоѓање на сторителот и за целосно рачистување на случајот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
