Во знак на жалост за покојникот, роднините од смртта почнуваат да носат црнина. Жените црна марама, а мажите црна кошула.
Тоа се носи една година и за тоа време роднините не учствуваат на веселби, не играат и не пејат. Меѓутоа денеска се дозволува црнината да се носи задолжително до 40 дена, а по желба пола година или година.
Овде треба да се нагласи дека без оглед кога се случил смртниот случај во семејството, задолжително се слави домашната слава, на ист начин како и секогаш. Се вели дека попотребно е да се слави под тие околности, бидејќи во молитвата за слава молиме за покој на душата на умрените блиски.
Според црквата и обичаите, не треба една година после смртта да се прават веселби во куќата. Во секој случај за се треба да се посоветувате со свештениците, бидејќи различни обичаи има во различни делови од земјата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
