Зготвено најголемото ашуре во светот

Популарната ориентална слатка ашурe од преку три тона беше приготвена во турскиот град Газиантеп, како симбол на мир, но и со цел да влезе во Гинисовата книга на рекорди, пишува турскиот весник на англиски јазик „Дејли Сабах”.

Се смета дека десертот, познат и како „Пудингот на Ное”, датира уште од времето на библискиот лик (меѓу другото, и пророк на Исламот). Ашурe е смеса од слатки и солени состојки, која го симболизира единството на различните етнички и религиозни групи.

Екипа од 27 готвачи го приготви десертот, за да го одбележи Меѓународниот ден на мирот, кој секоја година се чествува на 21 септември. Масата на ашуre изнесуваше точно 3.192 килограми. Намирници за составот – пченица, јатки и смокви, беа испратени од целата земја, како и од цел свет.

Освен со вкусната храна, Газиантеп последниве години стана познат и како прифатилиште за огромниот број бегалци од соседна Сирија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.