Неколку македонски уметници во изминатиов период настапија на светските сцени со што уште еднаш се потврди дека нашите автори се вистинско македонско препознатливо име и најголеми амбасадори на македонската култура во меѓународни рамки.
Младата и реномирана виолинистка Ева Богоевска од 12 до 14 септември настапи на Интернационалниот фестивал на класична уметност и култура „Jerusalem of gold“ во Ерусалим.
Таа го освои највисокото, гранд-при признание со што ѝ донесе уште една победа на нашата земја, откако пред две години освои Лауреат од прв степен на меѓународниот фестивал за музика „Сребрен камертон“ во Санкт Петербург, Русија, а во 2012 година на реномираниот фестивал „Сан Ремо јуниор“ во Италија ја освои првата награда.
Исклучително успешен настап и промоција на македонската култура имаше и џез-музичарот, композитор и гитарист со светска кариера Владимир Василевски Четкар кој сонастапот на Интернационалниот џез-фестивал во Хонг Конг ја започна својата азиска турнејаво чии рамки ќе настапи во два града во Кина, на „Beishan Jazz Festival“, на два фестивала во Јужна Кореја, како и на најголемите џез-фестивали во Малезија, Тајланд и Камбоџа.
Македонската музика е симбол на македонската култура која е топло прифатена на сите меридијани во светот, а потврда за тоа се и двата концерта на реномираната македонска етногрупа „Синтезис“, која со особен успех на почетокот на овој месец се претстави во Алмати и Астана, Република Казахстан.
Гала-концертите на етногрупата „Синтезис“ пред многубројна публика се одржаа на трети септември во големата сала на Казахстанската државна филхармонија Жамбул во Алмати, заедно со Симфонискиот оркестар на Филхармонијата, додека вториот концерт беше на 6 септември во Казахстанскиот национален универзитет за уметности во Астана „Шабит“, во соработка со Симфонискиот оркестар на Државната академска филхармонија на акиматот Астана.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
