Мел Гибсон, татко по деветти пат

По две години врска Мел Гибсон и неговата партнерка Росалинд Рос ќе добијат бебе. И додека медиумите пишуваат за разликата во години меѓу 60 годишниот актер и неговата 34 годишна љубов, парот воопшто не се оптоварува со тоа и се подготвува за проширување на семејството.

Актерската ѕвезда се заљуби во Росалинда откако таа се вработила во неговата продуцентска куќа. Таа тренира комбинација од јавање и гимнастика, техника која често се користи во циркусите, што го воодушевило Гибсон кој што веднаш ја однел на романтично патување на Костарика, каде има луксузна вила.

Тие се во врска две години и ова ќе им е прво заедничко дете. Тие сепак не размислуваат да се венчаат, бидејќи велат дека се среќни и без документи.

Ѕвездата на лудиот макс и Смртоносно оружје со првата сопруга, забниот техничар Робин Денис Мур, има седум деца меѓу 17 и 36 години.

Тој веќе има три внучиња, а пред седум години ја доби ќерката Луција со руската пијанистка Оксана Григоријева.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.