Здравјето над сѐ: Голема донаторска акција на Фондацијата „Трајче Мукаетов“ за малиот Мартин Мицев (ГАЛЕРИЈА)

Повеќе од милион и триста илјади денари се собрани на денешната донаторска акција што се организира по 6 пат под закрила на Фондацијата „Трајче Мукаетов“. Сретствата ќе бидат донирани за лекување на 18-месечно бебе на вработен во компанијата, на кое му е дијагностицирана исклучително ретка болест ембриобластен тумор на мозокот. Бебето Мартин Мицев неодамна е оперирано во Македонија и ќе следува негов постоперативен третман на клиника во Германија.

– Денеска се собравме целото алкалоидово смеејство да придонесеме за лекувањето на бебето и да молиме бога дека тоа ќе оздрави, ќе продфолжи да расте и еден ден можеби ќе биде дел од „Алкалоид“. Ќе ја дадеме целата наша поддршка за Мартин да се излечи, рече генералниот директор на „Алкалоид“, Живко Мукаетов.

Таткото Влатко Мицев им се заблагодари на сите колеги и на менаџерскиот тим.

– Во овој тежок миг, среќен сум што сум дел од „Алкалоид“. Се надевам дека со помошта од сите вас ќе успеемне да ја добиеме оваа битка и да биде се како што треба – рече Влатко Мицев.

Во донаторската акција учествуваа и Фармацевскиот факултет, веледрогеријата „Еурофарм“, поединци и соработници на „Алкалоид“, кој годинава одбележува осум децениско постоење.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.