Универзитетот во Штип ја има поддршката од институциите на системот, како во делот на унапредувањето на студиските програми и наставата, така и по однос на модернизацијата и надградбата на инфраструктурните услови и капацитети, се вели во реакцијата на Министерството за образование и наука на изјавата на Петар Атанасов од СДСМ.
– Актуелната влада е единствената која направи сериозни инвестиции во насока на подигнување на квалитетот на овие два сегменти, преку отворањето на нови високо образовни установи и обезбедување на нивна поголема достапност за заинтересираните граѓани, преку изградба на нови студентски сместувачки капацитети и реконструкција и опремување на постојните, се вели во реакцијата.
Од МОН уверуваат дека нема да бидат спречени да продолжат со имплементација на развојната стратешка политика за подигнување на атрактивноста и конкурентноста на високото образование и квалитетот на студентскиот стандард.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
