По повод 8 Септември - Денот на независноста, македонскиот Генерален конзулат во Торонто ја организираше традициналната манифестација „Кревање на знамето на Република Македонија“. Свечената церемонија се одржа пред градската општина на Торонто.
Честа да го крене државното македонско знаме на јарболот ја имаше истакнатиот Македонец од Канада и поранешен уредник и основач на весникот „Македонија“ Танас Јовановски. На присутните им се обратија генералниот конзул на Република Македонија во Торонто, Јовица Палашевски, вицеконзулот Александра Стојкова, Танас Јовановски, претседателот на МПЦ Св. Климент Охридски Вера Белчевска, претседателот на Организацијата Обединети Македонци од Канада Мендо Бакаловски, уредникот на радио програмата „Обединета Македонија“ Драгица Димовска…
Во чест на 25 от роденден на независна Република Македонија, на 24 септември годинава генералниот конзул Јовица Палашевски ќе организира свечен прием кој ќе се одржи во банкетните простории на најголемиот македонски православен храм во Торонто Св. Климент Охридски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
