Полиција и форензичари во Тајмиште и Бачиште: Пронајдени се човечки черепи и коски

По пристигната аномимна пријава форензички екипи на МВР ги подигнале коските и черепите пронајдени во пештеара меѓу кичевските села Тајмиште и Бачиште. Остатоците се најверојатно човечки, но треба да се утврди од кога датираат, дали се поврзани со насилна смрт и како се нашле таму. Полицијата го обезбедува локалитетот се додека не се заврши со испитувањата на теренот. Засега се проценува дека има остатоци на повеќе места од десетина лица.

Сторијата за оваа пештера ја објави уште пред повеќе од една година Планинарското спелеолошко друштво „Бистра“ од Кичево. Нивните фотографии сведочат за она што е пронајдено.

Познавачите велат дека можно е да станува збор за коски стари со децении, па и со векови.

– Веста што деновиве проструи во македонската јавност дека во пештера кај село Бачишта се пронајдени черепи и коски воопшто не е нова и ниту е вест, бидејќи нашето планинарско друштво уште во 1998 година ги пронајде овие черепи, по информацијата што ни ја даде еден локален овчар, кој ни потврди дека во соодветната пештера има човечки коски и черепи. Коските во пештерата се многу стари, дел од нив се и калцифицирани. Покрај откриените коски во поголемата пештера, добивме информација дека во длабочината на пештерата имало и други коски, до кои поради недостапноста на теренот и тесните ходници не успеавме да дојдеме и да ги форографираме. Со оваа информација сакаме да ја запознаеме македонската јавност, дека коските во пештарата Череп постојат многу, многу одамна – рече Сашо Божиноски, претседател на ПСД „Кичево“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.