Што прогнозираат ѕвездите на љубовен план во претстојниот месец:
Овен
Постои ризик почетокот на есента да не започне баш така како што сте посакувале, но тоа можете да го спречите со низа едноставни правила по кои ќе треба да се придржувате. Најнапред, имајте предвид дека сега да започнете долготрајна врска не е возможност. Сè што ќе пробате ќе биде со краток век и нема да заврши славно. Пронајдете златна средина. Излегувајте, флертувајте, но држете се и на блага дистанца.
Бик
Биковите ги очекуваат многу интересни моменти, посебно ако имате одбрано животен сопатник. Септември ќе фрли ново неочекувано светло на вашата врска. Тоа не мора да биде негативно, туку само ќе ве изненади. Па, добро е да бидете подготвени на тоа, посебно ако имате некои сокриени тајни за кои вашата сродна душа не е свесна. Знаете и самите дека, порано или подоцна, тајните испливуваат на површината. Накратко, бидете екстремно внимателни околу „сочните“ теми.
Близнаци
На емотивен план, Близнаците ги очекува прилично возбудлив период. Бидете внимателни, но немојте премногу да се ограничувате. Во односот со партнерот, бидете малку подоследни и направите чекор наназад. Согледајте на што сте. Тоа нема да биде лесно, но се исплати. Да, ова може да има последици, но во овој момент тоа ви е навистина потребно. Понекогаш и страсните емоции мораат да бидат согледани од објективна перспектива. Пријателите можат да ви бидат од помош, но само вие најдобро знаете каков заклучок можете да донесете.
Рак
Овој хороскопски знак во септември ќе биде вклучен во многу забавни случувања. Само останете верни на себе и не се обидувајте да се докажете на никого. Ако сте во врска, бидете поблаги. Постои општо чувство помеѓу вас и партнерот, дека не сте доволно отворени еден кон друг. Сепак, никогаш не е предоцна ова да го поправите. Не се плашете од извинувања и искажувања на вистинските емоции. Вие сте деликатни и емотивни суштества, но на крајот на денот, секогаш знаете што е најдобро за вас.
Лав
Љубовниот живот на Лавовите ќе биде прилично интересен. На почетокот на месецот ќе имате чувство како да морате да се посветите на многу работи, но не вреди да се плашите од тоа. Не се затворајте во себе и не бегајте од светот. Ова посебно се однесува на емотивните врски, како и на генералното ниво на емоции карактеристични за вашиот знак. Бидете активни и покажете ги вашите чувства. Не се противете на нив бидејќи, во спротивно, ова може да биде контрапродуктивно за вашите врски.
Девица
Овој месец, посебно на самиот почеток, морате да поминувате повеќе време покрај вашиот партнер. Ова посебно важи за оние кои веќе подолг период се соочуваат со расправии и несогласувања. Голема е веројатноста дека и двајцата сте полни со прашања кои се таложеле некој период, а не сте можеле да најдете вистински момент да ги поставите. Сега е време. Вистината е секогаш подобра од незнаењето, а понекогаш и навистина се потребни радикални промени.
Вага
За промена, Вагите ќе можат малку да се издишат. Следи прилично релаксиран период за вас. Можно е да се соочите со некои ситни расправии, но истите се потполно безначајни и минливи. Сепак, тоа не значи дека треба да ги игнорирате, туку да ги решите најдобро што знаете. Канализирајте ја вашата енергија во креативна насока и заедно со партнерот, слободното време искористете го за некој курс. Голема е веројатноста дека таму ќе склопите некои прилично интересно познанство.
Скорпија
Пред Скорпиите, во септември, ќе се отвори цел свет убавина и искрени емоции. Некој може да ви се отвори и да ви изјави љубов – на најискрениот можен начин. А, можеби и вие ќе бидете тие кои ќе се одлучат за првиот чекор. Никој не рекол дека љубовта нема да ви биде возвратена. Сепак, многу зависи од вас. Не заборавајте дека не сте семоќни иако понекогаш силните емоции прават да се чувствуваме така. Бидете внимателни со оние кои ви се посветени и на убав начин објаснете им ги вашите ставови.
Стрелец
За Стрелците септември не е момент ниту за раскинувања, ниту за почеток на нови врски. Воздржете се од сите поголеми промени кои можат да влијаат не само на вас, туку и на блиските. Најдобро ќе се чувствувате во кругот на пријателите каде можете да бидете слободни и да се однесувате природно. Можеби првиот месец од есента не е најдобар за љубов, но тоа не значи дека не треба да уживате. Останете социјални комуникативни – онакви какви што сте, бидејќи ве очекуваат одлични работи.
Јарец
Овој месец ќе ви донесе нови искуства, а во исто време и емоции за некоја мината љубовна афера. Тоа, колку и да звучи неверојатно, ќе има позитивно влијание на актуелните или потенцијалните врски. Ќе ви даде сосема поинаква перспектива за тоа каде се наоѓате моментално и каде сакате да бидете во иднина. Имајте предвид, дека не можете сè да направите одеднаш. Бидете умерени, внимателни и дозволете минатите искуства да бидат водич по кој ќе се раководите во емотивните врски.
Водолија
Водолиите најдобро е да обрнат поголемо внимание на сопствената интуиција. Правете онака како што ви вели срцето, ако ви сигнализира дека треба да раскинете со партнерот, не се обесхрабрувајте. Тоа едноставно значи дека таа личност не била вистинскиот избор за вас, а дека раскинувањето ќе ви одговара. Секоја ситуација, сепак, е индивидуална и би требало да дозволите емоциите да ве водат. Разумот не мора секогаш да биде вклучен. Септември носи многу можности за остварување на емотивните цели, па важно е да останете доследни на себе.
Риби
За вас, овој септември значи да го слушате своето срце и да останете блиски само со оние со кои посакувате да бидете блиски. Престанете да потклекнувате на препреките кои постојано ви ги испраќаат непријателите. Сè ќе си дојде на свое место, токму тогаш кога треба да си дојде. Имајте на ум, дека понекогаш емотивните темели се далеку поважни од логиката, посебно кога се работи за интимните односи. Не се сомневајте во вашите способности.
Извор: Црнобело
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
