Денеска почнуваат 41 Мајски оперски вечери. манифестацијата ќе ја отвори диригентот Дејан Прошев, а фестивалскиот оган ќе го запали првенката на Македонската опера и балет Славица Петровска – Галиќ, а следува и премиерата на операта „Хофманови приказни“ од Жак Офенбах. Либретото на француски јазик е напишано од страна на Жил Барбиер и е базирано врз три кратки приказни напишани од страна Е.Т.А.Хофман. Како главен протагонист во операта е искористен Хофман лично. Барбиер и Мишел Кери претходно имаат напишано претстава „Хофманови приказни“, која била продуцирана во театараот „Одеон“ во Париз во 1851 година и која Офенбах ја има гледано.
Диригент на претставата ќе биде Најден Тодоров од Бугарија, во режија на Урсула Хорнер од Австрија, сценографија Марија Ветероска, костими на Марија Пупучевска, кореографија на Олга Панго и концертен мајстор Климент Тодороски.
Во улогата на Хофман ќе настапи тенорот Микаел Спадачини од Белгија, мецосопранот Ирена Кавкалевска ќе ја видиме во улогата на Никлаус, сопранот Ивана Здравкова како Олимпија, сопранот Олгица Милевска како Џулиета, сопранот Билјана Талевска – Јосифов ќе настапи во улогата на Антонија, улогите на Линдорф, Копелиус, Дапертуто и д-р. Миракл ќе ги толкува баритонот Ернес Ибраимовски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
