Двајца пилоти на американската кoмпаниjа „Јунајтед Ерлајнс“ се уапсени во Глазгов, Шкотска, затоа што сакала во пијана состојба да управуваат со авионот на неговата редовна линија од овој шкотски град до Њујорк.
Пилотите на возраст од 35 и 45 години, биле уапсени во пилотската кабина, додека се подготвувале за летот.
Авионот имал 141 патник и десетина членови на екипажот.
Летот на „Јунајтед Ерлајнс“ бил запрен, па авионот наместо да полета претпладнето за САД летнал дури вечерта, откако компанијата обезбедила двајца други и трезни пилоти.
Според шкотските закони, како кривично дело се смета управување со превозно средство во јавниот сообраќај во алкохолизирана состојба.
Авионската компанија соопшти дека двајцата пилоти се суспендирани од работа и против нив е отворена истрага за инцидентот.
Ова не е прв случај со пијани пилоти на глазговскиот аеродром.
Минтиот месец, беа уапсени двајца канадски пилоти и изведени пред судење, затоа што се фатени пијани како се подготвуваат да полетаат за Канада. Авионот со кој требало да го управуваат имало 345 патници и деветмина членови на екипажот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
