Очекувано, Роналдо најдобар фудбалер во Европа

Фудбалерот на Реал Мадрид и капитен на португалската репрезентација, Кристијано Роналдо ја доби наградата за најдобар фудбалер на Европа за сезоната 2015/16.

Роналдо во изминатата сезона ја освои Лигата на Шампиони со Реал Мадрид и Европското првенство со Португалија, по што и очекувано беше најголем фаворит за оваа награда.

Во изборот учествуваа 55 новинари. Од нив, 40 гласаа за Роналдо. Французинот Антоан Гризман од Атлетико Мадрид доби 8 гласови, а соиграчот на Роналдо, Велшанецот Герет Бејл доби 7.

– Ова беше неверојатна сезона – кратко изјави Роналдо.

Голови и асистенции на Роналдо во изминатата сезона:

Шпанска Примера Дивизија:
36 настапи, 35 гола, 11 асистенции

Лига на Шампиони:
12 настапи, 16 гола, 4 асистенции

Европско првенство 2016:
7 настапи, 3 гола, 3 асистенции

Наградата му беше врачена по одредувањето на групите за новата сезона од Лигата на шампионите.

Во женска конкуренција наградата и припадна на Норвежанката Ада Хегерберг, која настапува за Лион.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.