Според бројот на кратки бракови и разводи во Холивуд, не чуди тоа што славните парови се почесто се одлучуваат да се осигураат до последен детал пред да стапат во брак со предбрачен договор.
Џесика Бил и Џастин Тимберлејк
Пред нивната венчавка се шпекулираше дека во предбрачниот договор стои дека Џесика мора да добиe пола милион долари во случај пејачот да ја изневери. Причината за ова било тоа што на почетокот на нивната врска тој веќе ја изневерил со актерката Оливија Мун.
Клои Кардашијан и Ламар Одом
Ријалити ѕвездата во својот предбрачен договор имала бројни барања. Помеѓу нив, во случај на развод барала од Одом по пола милион долари за секоја година мината во брак, а имала загарантирани и 5 000 долари месечно само за за алишта, илјада за козметички продукти и карти за натпреварите на Лејкерси за целото нејзино семејство.
Никол Кидман и Кит Урбан
Кантри пејачот со години се бореше со неговата зависност од кокаин, а пред свадбата со Кидман таблоидите пишуваа дека во нивниот предбрачен договор имало точка која предвидувала дека бракот се поништува доколку пејачот повторно застрани со дрогата. Во првите 4 месеци од нивниот брак, тој по трет пат во својот живот се пријавил во клиника за одвикнување.
Чарли Шин и Брук Милер
Нивниот договор имал цели 60 страници и бил преполн со луди барања. Брук заработила пола милион долари само затоа што му рекла “Да” на Чaрли. Исто така за секоја година од бракот таа добивала по 300 000 долари.
Бен Афлек и Џенифер Лопез
Нивниот предбрачен договор наводно бил еден од најлудите во Холивуд. Пејачката во него ставила клаузула за прељуба во која стоело дека доколку ја изневери, на неа ќе и припадне целиот негов имот. Актерот пак барал сексот да му биде загарантиран 4 пати неделно. Бен исто така требало да добие 5 милиони долари само затоа што ќе и каже “Да” на Џенифер. На крајот, славниот пaр сепак ја раскина свршувачката по двегодишната врска.
Елин Нордегерн и Тајгер Вудс
Во случајот на шведската манекенка, предбрачниот договор и тоа како и се исплатеше. Професионалниот голфер ја изневерил со десетици жени до 2009 година кога таа побара развод. Таа од бракот со Вудс излезе потешка за 10 милиони долари.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
