За влез и излез од државата се чека до 20 минути

Сообраќајот на сите државни патишта се одвива без забрани, по наместа влажни коловози. Интензитетот на сообраќај на патните правци надвор од градските средини е зголемен. На граничните премини можни се задржувања од дваесетина минути за влез и за излез од државата, информира Автомото сојузот на Македонија.

Обиколницата Скопје е пуштена за сообраќај во двата правци, но има делови од коловозот кои се оштетени, каде што се поставени сообраќајни знаци за регулирање на брзината на движење на возилата. Патниот правец Скопје – Македонски Брод преку националниот парк „Јасен“ е пуштен за сообраќај за лесни возила/автомобили.

Јавното претпријатие „Македонија пат“ на учесниците во сообраќајот им препорачува крајно внимателно управување со возилата на делот од патот кај село Близанско 500 метри после мостот на река Треска во должина од 50 метри. Екипите на „Македонија пат“ продолжуваат да работат на оспособување на патниот правец за нормално одвивање на сообраќајот.

АМСМ препорачува внимателно возење, приспособена брзина на движење и почитување на поставената сообраќајна сигнализација. Посебно да се внимава низ клисурите, каде што постои можност за појава на одрони кои наместа може да го попречат движењето на возачите.

На регионалниот пат Р-2137 пред населено место Војшанци, поради деформации на мостот (за возила со вкупна маса над 5 тона), продлжува пренасочувањето на сообраќајот преку мост на река Вардар, врска А1 со Р-2137 (Демир Капија – Корешница – Војшанци).

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.