Тодоров: Критиките на Куновска кон полицијата и војската се срамни и неприфатливи

По однос на обвинувањата од страна на пратеничката на СДСМ, Софија Куновска, која во време на најголемата криза со поплавите упати обвинувања и критики кон војската и полицијата, вицепремиерот Никола Тодоров во Отворено студио на ТВ Нова вели дека е несфатливо и неприфатливо таквото нејзино однесување.

Да беа политички обвинувања, вели Тодоров, ќе разберев и ќе прифатев.

-Но ме погоди и разочара што беа критикувани полицијата и војската кои ги ризикуваа своите животи. Тоа ме разочара и вознемири. Се обидов да бидам воздржан и да не отиде дебатата во лош правец. Многу ме погоди тоа затоа што знам како тие луѓе се жртвуваа и што се правеа. Ние работевме нон стоп, сите и војската и полицијата. Имавме само 1 час пауза за да се пресоблечеме. Таа жртва и тој труд да не се цени е неприфатливо, вели Тодоров.

Тој вели дека се трудел да биде над ситуацијата и да ја однесе дебатата со Куновска во правилна насока.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.