Невремето во скопскиот регион е најголемата природна катастрофа која ѝ се случила на Македонија, по земјотресот во 1963 година.
Штетата ќе биде надоместена, нам не боли што во невремето животот го изгубија 22 луѓе, вели вицепремиерот и министер за здравство Никола Тодоров, во гостување на ТВ Нова. Тој уште еднаш изрази сочувство до семејствата на настраданите.
-Вечерта во 3 часот беше првиот состанок на оперативниот штаб во Автокоманда. Сите беа на терен, војската и полицијата веднаш интервенираа. Тогаш беше првиот брифинг, информациите беа дека станува збор за страшна природна непогода и веднаш се договоривме како да се през мерки. Првата одлука беше да се започне со прва фаза која е се прави во случај на природна непогода. Тоа е фаза на пребарување и спасување. Целиот регион го поделивме на 3 сектори. Еден го пребаруваше полицијата а друг армијата, вели Тодоров.
Полицијата и војската имаа обврска да се пребара секоја педа, да се спасат преживеани.
Во целиот период, од самиот почеток се почитуваа и спроведуваа сите правила до детаљ, кои се наменети за вакви кризи и справување со природни непогоди.
-Не знам дали има друга Влада која секоја вечер имаше состаноци. Првите два дена не спиевме, ниту координаторите, ниту полицијата или војската. Ги сплотивме ресурсите и добро се координиравме, вели Тодоров.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
