Откриено што криел Аркан во сефот со години

Павле Стевовиќ, финансискиот директор на сите претпријатија на Жељко Ражнатовиќ Аркан, пред нотар во Нови Сад открил што се Аркан чувал во своите сефови, а во тоа време го немал никој друг на овие простори. Тој ги открил сите детали за сефовите на покојниот сопруг на Цеца.

Многу добро го познавал, бил негов пријател и колега, и знаел се што Аркан има и поседува. Само тој и Аркан биле потписници на сите документи, па затоа сефовите често се отварале пред него.

– Често, речиси секојдневно бев во ситуација Аркан да ги отвара сефовите пред мене. Вадеше пари, ми даваше мене да ги претворам во динари. Таму имаше цело богатство, вели Павле.

Во својот сеф, Аркан имал 10.000.000 германски марки во готово. Вели дека тие пари му биле резерва и говорел дека нема да ги допре. Имал и огромна количина дијаманти и злато. Во сефовите имал и брилијанти кои многу ги сакал.

Аркан носел и Ролекс од 153.000 марки.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.