Почнаа богородичните пости: Не треба да јадете грозје и смокви!

Богородичните пости секоја година почнуваат на 14 август (Св. 7 мч-ци Макавеи) и траат до 28 август (Успение на пресвета Богородица). По својата временска должина тоа е најкраткиот од четирите годишни пости и трае 15 дена.

Овој пост е востановен во чест на преображението Господово и успението на пресвета Богородица и се пости: во понеделник, вторник, среда, четврток и петок се пости без зејтин, во сабота и недела се пости со зејтин, а на празникот Преображение се јаде и риба.

До празникот Преображение, пред да започне постот и за време на посните денови не се јаде грозје и смокви. Од празникот Преображение, кога и се благословува овошјето веќе е дозволено да се јаде и грозје и смокви.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.