Баба од Синѓелиќ не сака да го напушти поплавениот дом (Видео)

Возрасна жена од поплавеното село Синѓелиќ не можела да се помири со страшната судбина и не сакала да ја напушти куќата и покрај молбите од нејзината ќерка и пожарникарите.

На видеото се гледа како пожарникари се обидуваат да ја убедат жената да го напушти домот, но таа упорно одбива. Може да се забележи дека собата е преполна со вода.

– Мораш да излезеш, не можеш да спиеш во вода – се слуша како ѝ вели еден од пожарникарите.

– Јас од тука не излегувам. Ве молам, немојте да ми ја влошувате здравствената состојба. Ако можете, помогнете, ако не, ајде пријатно – вели жената, која лежи во кревет.

Таа не ги слушала ни молбите на својата ќерка да стане и да излезе од куќата.

– Јас не ја напуштам куќата. Да ја оставам куќата празна? – се слуша како вели жената.

Видеото, според тоа што го пишува на „Фејсбук“, е снимено ноќта во саботата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.