Ѓоковиќ се огласи по поразот од Дел Потро

Хуан Мартин дел Потро го елиминира светскит рекет број еден уште во првото коло на тенискиот турнир во поединечна конкуренција.

Во мечот, кој траеше два часа и 21 минута, Аргентинецот го победи Ѓоковиќ во два сета, и тоа двапати во тај-брејк со 7:6 добивајќи го првиот со 7:4, а вториот со 7:2 на поени.

Најголема причина за поразот е повредата на зглобот на десната рака која го мачи Србинот неколку месеци, а се активирала непосредно пред турнирот во Рио.

-Морав да се приспособам, да правам промени во движењата и во играта. Од бекхенд страната не можев често да ја удирам топката. Не сакам да плачам, но тажно е – објасни Ѓоковиќ.

Србинот со солзи во очите го напушти теренот по поразот, свесен дека Дел Потро е тенисерот кој е нерешива енигма за него на Олимписките игри, откако и пред четири години во Лондон го загуби натпреварот за бронзениот медал токму од Аргентинецот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.