Нов напад во Лондон, има повредени

Еден маж попладнево бил нападнат со нож во трговскиот центар „Вестфилд Лондон“ во западниот дел на британскиот главен град, објави електронското издание на весникот „Индепендент“.

Нападнатиот маж се здобил со убодни рани по што е пренесен во болница.

Очевидци на настанот изјавија дека веднаш по нападот виделе две лица како бегаат од трговскиот центар.

Претставник на лондонската полиција го потврди инцидентот, но нагласи дека не станува збор за терористички напад. Тој додаде дека во врска со настанот полицијата привела две лица.

Веднаш по инцидентот „Вестфилд Лондон“, кој е втор по големина трговски центар во Велика Британија, бил делумно затворен.

Денешниот инцидент доаѓа по најавите на британските власти за засилување на безбедносните мерки во Лондон, откако пред неколку дена маж со убоди од нож уби една Американка и рани уште пет други лица на лондонскиот полоштад „Расел“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.