На 5 август 1962 година во нејзиниот стан во Лос Анџелес беше пронајдено безживотното тело на една од најголемите холивудски ѕвезди во 50-те и 60-те години на минатиот век, Мерилин Монро
Најпознатата русокоса на сите времиња почина на 36-годишна возраст, а нејзината ненадејна смрт и кусиот бурен живот не престанаа да го будат интересот во јавноста.
Мерилин Монро, чие вистинско име е Норма Џин Мортесон, беше и остана олицетворение на холивудската убавина и гламур, а за многумина претставува најубава жена во светот. И покрај гламурозниот живот, Мерилин страдаше од депресија, која на крај и го уништи животот.
Нејзината ненадејна смрт поттикна и повеќе теории на заговор дека познатата ѕвезда е убиена, поради наводни љубовни врски со тогашниот американски претседател Џон Кенеди и со неговиот брат Роберт.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
