Милик е новото засилување за Наполи, потпиша петгодишна верност

Полскиот интернационалец Аркадиуш Милик и официјално потпиша договор со Наполи и од Амстердам се сели во Неапол. Досегашниот напаѓач на Ајакс во следните пет сезони ќе биде „наполитанец“, а во претстојната сезона ќе го носи дресот со број „99“.

Милик вечерва го има и своето прво претставување пред публиката во Неапол, и тоа на 90-годишнината од постоењето на клубот. Наполи игра пријателски натпревар со францускиот прволигаш Ница.

– Не сум Игуаин, но верувам дека ќе постигнам многу голови за Наполи и дресот ќе го носам со многу страст – изјави Аркадиуш Милик при презентацијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.