Кејт Мос се токми да биде грофица, доби понуда за брак

Кејт Мос добила понуда за брак од значително помладиот пријател, грофот Николај фон Бизмарк, пишува „Сандеј мирор“.

Шпекулациите за свршувачка се раширија, откако на неодамнешна романтична вечера во Италија 29-годишниот светски лав клекнал пред 42-годишната манекенка и ја побарал со импресивен прстен.

Николај е фотограф и наследник на Железниот канцелар Ото фон Бизмарк. Романтичната сцена се случила во ресторан, чијшто сопственик Џовани Фракаси открива за весникот: „Тој избра посебен момент откако завршија со софистицираната вечера и кога сите веќе беа заминале, за да извика – Те сакам – на италијански. Беше многу романтично. Потоа тој клекна пред неа, ѝ покажа импресивен прстен и ѝ рече дека ѝ го дава за тогаш кога ќе биде разведена“.

Минатата година Кејт Мос се раздели со својот сопруг, музичарот Џејми Хинс, за кого се омажи во 2011 година. Двојката сѐ уште не е разведена, потсетува весникот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.