Втор пораз за македонските ракометни надежи во вториот натпревар на младинското ЕП за играчи до 20 години. Избраниците на селекторот Алексаднар Јовиќ загубија од домаќинот Данска со 18-23 (11-10).
Младите македонски ракометари одиграа добро прво полувреме, но не успеаја да го задржат ротамот и предноста до крај. По второто коло, Македонија падна на последното место во групата без освоен бод и само со теоретски шанси за пласман во следната осминафинална фаза пред последниот натпревар од групната фаза, во недела против Холандија.
Утре ракометарите имаат слободен ден, а во недела го играат последниот натпревар од групната фаза против селекцијата на Холандија. По поразот од Данска во првото коло, Холанѓаните денеска славеа против Норвешка (31-28) и влегоа во конкуренција за првите две места во групата кои обезбедуваат пласман во следната осминафинална фаза од шампионатот.
По второто коло Данска е во водство со четири бода, по два имаат Холандија и Норвешка, Македонија е на четвртото место во групата без бодови.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
