Во Вевчани низ Порта Вевчани

Претседателот на Собранието на Република Македонија Трајко Вељаноски синоќа присуствуваше на свеченото пуштање во употреба на „Порта Вевчани“ во струшкото село Вевчани.

Објектот се издигнува во месноста викана Суво Поле на влезот од селото. Започна да се гради во текот на март годинава, со донација од стопанственикот Ѓоргија Угриноски и неговото семејство, а целта е да се зголеми туристичката понуда на Вевчани.

Според најавите, ќе бидат изградени и пешачки патеки кои од овој објект ќе водат кон центарот на селото.

На празникот Цветници, во близина на манастирот „Свети Спас“ на околу 1.300 метри надморска височина беше поставен и камен-темелник на Вевчанскиот крст којшто ќе се гради со донација од директорот на јавното претпријатие за стопанисување со станбен и деловен простор и поранешен пратеник Цветко Грозданов.

Фото: Охрид Њуз

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.