Основното јавно обвинителство Кочани отвори постапка за сторено продолжено кривично дело, силување.
Сторителот, се вели во дописот од обвинителството, делото го сторил на 14 јули 2016 година, врз малолетно девојче, кое го принудил на обљуба двапати за кус временски период, со што извршил продолжено кривично дело силување од членот 186, став 2 во врска со став 1 од Кривичниот законик.
„Поради стореното, Основното јавно обвинителство Кочани донесе Наредба за спроведување на истражна постапка против осомничениот. Земајќи ја предвид запретената казна за ова кривично дело, која е најмалку десет години казна затвор, како и сметајќи дека постојат услови за бегство на осомниченото лице, дека е можно да го повтори делото и да влијае на сведоците, обвинителството предложи до надлежниот суд определување на мерка притвор. Предлогот беше прифатен и со Решение на осомничениот му е определен притвор во времетраење од 30 дена“, вели кочанското обвинителство.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
