Србија испраќа тимови на војската и полицијата на границата со Македонија и Бугарија

Владата на Република Србија на синоќешната седница донесе одлука да формира заеднички тимови од војската и полицијата.

Целата на овие тимови ќе биде да спречат илегални премини на мигранти на границата со Бугарија и Македонија. Според властите во Белград, Бугарија не ги контролира ниту границите, ниту мигрантите.            -Задачата на воените и полициските сили ќе биде да го спречи нелегалното влегување на мигранти од Република Бугарија и Република Македонија. Во исто време тие ќе имаат за задача да им ги предадат на правосудните органи шверцерите на луѓе кои ја вршат оваа нелегална активност на територијата на Србија – се вели во краткото соопштение кое беше објавено ноќеска од прес ­службата на српската влада.

Српскиот министер за труд и социјална политика, Александар Вулин за време на посетата во градот Ниш отворено ја обвини Бугарија дека не си ја чува својата граници. -Во случајот имаме земја­ членка на ЕУ – Бугарија, која држи целосно отворени граници и нема никаква контрола над движењето на мигрантите. Во исто време Австрија и Унгарија целосно ги затворија своите граници. Србија нема да стои со скрстени раце помеѓу нив и да чека – рече Александар Вулин.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.