За проектот „Купи куќа за млади“ има дефинирано две големи парцели од околу 12 хектари на кои ќе бидат обезбедени 120 парцели за куќи, изјави градоначалникот на Општина Василево Ванчо Стојанов на денешниот работен состанок за овој проект на кој прируствува и лидерот на ВМРО-ДПМНЕ, Никола Груевски.
-На 11,8 хектари е предвидена урбанизација за 120 парцели за куќи, а дополнително општината си работи и на урбанистички планови за Василево и Пиперево каде исто така се очекува да се обезбедат уште 100 нови парцели. Има голем интерес за проектот, рече Стојанов.
Тој нагласи дека во четирите зони во Василево веќе функционираат 77 компании во кои се вработени над 400 лица и плус сезонски работници.
-Општината има само 5% невработеност, односно 450 невработени од вкупно 8.500 работно способно население, рече Стојанов.
Груевски потенцираше дека ова е пример што треба сите градоначалници да го следат.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
